إعداد ميزان المراجعة للمبتدئين

هل فى أشكال لميزان المراجعة و لا واحد فقط؟ 

نعم , يوجد نوعان من الموازين :
# ميزان  مراجعة بالمجاميع ( يحتوي فى الجانب المدين على مجموع المبالغ المدينة لكل حساب و فى الجانب الدائن على مجموع المبالغ الدائنة ) و يجب أن يتساوى مجموع المبالغ المدينة لجميع الحسابات مع مجموع المبالغ الدائنة . "كما بالصورة التالية"

# ميزان مراجعة الأرصدة (يحتوي فى الجانب المدين على الأرصدة المدينة للحسابات و فى الجانب الدائن على الأرصدة الدائنة ) و يجب أن يتساوى مجموع الأرصدة المدينة لجميع الحسابات مع الأرصدة الدائنة ."كما بالصورة التالية"

و زيادة فى التوضيح نقوم بإعداد ميزان المراجعة بالمجاميع و الأرصدة بالتطبيق على المثال اللي شغالين عليه من أول السلسلة ده الموجودة بتدوينة التسجيل فى دفتر اليومية و  دفتر الأستاذ (بالضغط ع الكلمتين السابقتين يتم تحويلك الى الموضوع الذي تريده)

 ميزان المراجعة بالمجاميع

لو راجعت تدوينة دفتر الأستاذ و كملت حل باقى الحسابات , تيجي هنا ترسم الميزان و تكتب أسماء الحسابات و بعدين نشوف حساب البنك مثلاً هتيجى فى دفتر الأستاذ و تجمع الطرف المدين هتلاقيه 420000 ج تكتب في الجانب المدين فى الميزان و تروح تاني على دفتر الأستاذ فى حساب البنك برضه و تجمع الطرف الدائن هتلاقيه 219000 ج من غير طبعاً الرصيد المرحل عشان الرصيد ده كتبته علشان تساوي الطرفي و تقفل الحساب ... فاهم كمل و لو مش فاهم راجع ذاكر موضوع دفتر الأستاذ تاني ^_^

و بعد كده هتعمل اللى فات ده كله مع باقى الحسابات و تجمع الطرف المدين و الدائن بالميزان و لازم يبقى متساويين ....

 ميزان المراجعة بالأرصدة 

بعد ما تعمل جدول الميزان و تكتب أسماء الحسابات زي الصورة كده هنروح لدفتر الأستاذ نكتب الرصيد الخاص بكل حساب هو مبلغ واحد لكل حساب ياما يكون مدين أو دائن , غير اللى حصل فى ميزان مراجعة بالمجاميع طيب هنكتب الرصيد المرحل و لا المنقول ؟ لا طبيعة الحساب هتكون طبقاً للرصيد المنقول يعني لو الرصيد المنقول لحساب البنك مكتوب فى الجانب المدين فى دفتر الأستاذ يبقى هترحل المبلغ فى الأرصدة المدينة فى الميزان زي اللى حصل كده ,,, و العكس صحيح ^_^

للمزيد من التفاصيل حول استخدام ورقة العمل للتسويات و إعداد ميزان المراجعة .

الأخطاء التي لا تظهر ميزان المراجعة 

•  الأخطاء المتكافئة بحيث يكون هناك عدة أخطاء يغطي أو يعوض بعضها الآخر فمثلا حدوث نقص فى مجموع الطرف المدين و بنفس الوقت حدث خطأ أخر بنقص فى مجموع الطرف الدائن بنفس القيمة , و هذا بت يؤثر على توازن الميزان حيث نقص مجموع الطرف المدين و الدائن بنفس القيمة .
• أخطاء السهو فمثلا السهو عن تسجيل عملية بالكامل فى دفتر اليومية (عدم تسجيل فاتورة مبيعات مثلاً) أو السهو عن ترحيل قيد كامل من اليومي الى الأستاذ . 
• تكرار تسجيل العملية فى دفتر اليومية , أو تكرار ترحيل قيد بالكامل إلى دفتر الأستاذ .
• ترحيل قيد من اليومية الى الأستاذ بطريقة صحيحة , و لكن هنا خطأ فى اسم الحساب الذي و حل له القيد فمثلاً تم ترحيل مبلغ 5 ألف جنيه الى الجانب المدين من حساب البنك فى أن الصحيح أن يتم ترحيل القيد الى الجانب المدين فى حساب الخزينة .
• الأخطاء الفنية بحيث يتم تسجيل العملية بطريقة غير صحيح من الناحية الفنية بسب الجهل بقواعد وأصول المحاسبة ^_^ وخد بالك & فمثلاً تم دفع مبلغ 1500 نقداً مقابل أصلاح و صيانة أحد السيارات بالمنشأة فقام الباشمهندس بتسجيل على النحو التالى :-

و فــــي الحالات التي لا يتوازن فيها ميزان المراجعة فإن ذلك يدل على وجود خطأ فى الميزان أو الدفاتر أو المحاسب ^_^ بهما جميعاً و لتحديد مكان الخطأ بفضل البحث أولاُ فى ميزان المراجعة ثم دفتر الأستاذ .

الأخطاء فى ميزان المراجعة

• خطأ فى تجميع ميزان المراجعة .
• حذف أحد الحسابات من الميزان .
• وضع أحد أرصدة الحسابات فى المكان غير الصحيح فمثلاً وضع رصيد مدين فى خانة الأرصدة الدائنة .
• خطأ في المبلغ الخاص بالحساب .